మిధ్య!
తొలకరి జల్లులో వొళ్ళు ఝల్లుమంటుంటే
మట్టివాసనై పలకరించేది నీవే
మల్లెల మాల కడుతుంటే పరిమళించేది ... నీవే
పల్లె సువాసనల్లో మూసిన కళ్ళ మధ్య కలగా
అగాధంలోకి జారిపోతున్న వేళ అందే ఆలంబన నీవే
తెరిచిన కళ్ళ ముందు మిధ్యగానూ నీవే
శ్వాసగా గుండెల్లోకి చేరి
ప్రాణమల్లె కవ్వించేది మళ్ళీ నీవే
నిష్క్రమిస్తున్న నీ అడుగుల చప్పుడు
ఎదను గాయపరుస్తుంటే జ్ఞాపకాల్లో మళ్ళీ నీవే :(
No comments:
Post a Comment